වත්මන් ආණ්ඩුවේ සිටින රාජපක්ෂ හිතවාදී පාර්ලිමේන්තු මන්ත්‍රීවරු කණ්ඩායම ආණ්ඩුවෙන් ඉවත් කිරීමට තීරණය කර ඇත.
ඊයේ දිනයේදී ජනාධිපතිවරයා විසින් රාජ්‍ය අමාත්‍යවරු හතර දෙනෙක් ඉවත් කිරීමත් සමඟම දැඩි රාජපක්ෂ හිතවාදී මන්ත්‍රීවරු සියලු දෙනාම ආණ්ඩුවෙන් ඉවත් කිරීමට තීරණයක් ගෙන ඇත.
මින් ඉදිරියට රජයේ කිසිඳු වැඩසටහනකට රාජපක්ෂ හිතවාදී පාර්ලිමේන්තු මන්ත්‍රීවරුන් සහභාගී කරවා නොගැනීමට ආණ්ඩුව තීරණය කර ඇති බවද වාර්තා වේ.
ආණ්ඩුවෙන් ඉවත් කළ දැඩි රාජපක්ෂවාදී මන්ත්‍රී කණ්ඩායම වන්නේ මහින්ද රාජපක්ෂ, චමල් රාජපක්ෂ, නාමල් රාජපක්ෂ, ශෂීන්ද්‍ර රාජපක්ෂ, සාගර කාරියවසම්, ජොන්ස්ටන් ප්‍රනාන්දු, ජයන්ත කැටගොඩ, සංජීව එදිරිමාන්න, රංජිත් බණ්ඩාර, ඩබ්. ඩී. වීරසිංහ, යු.කේ. සුමිත්, තිස්ස කුට්ටිආරච්චි, නිපුණ රණවක, ඩී.වී චානක, ඉන්දික අනුරුද්ධ, ප්‍රසන්න රණවීර, ඉසුරු දොඩංගොඩ, ගාමිණී ලොකුගේ, මර්ජාන් ෆලීල්, සිරිපාල ගම්ලත්, සරත් වීරසේකර, තේනුක විදානගමගේ, සමන්ප්‍රිය හේරත්, මංජු ලලිත් වර්ණ කුමාර, නාලක කෝට්ටේගොඩ, මොහාන් සිල්වා, සී.බී. රත්නායක වේ.
එළඹෙන ජනාධිපතිවරණයේදී වත්මන් ජනාධිපති රනිල් වික්‍රමසිංහට සහාය නොදෙන ආණ්ඩු පාර්ශ්වය නාමිකව නියෝජනය කරන සියලු මැති ඇමතිවරුන්ට ඉවත්ව යන ලෙස දැනුම්දී ඇති බව වාර්තා වේ.
ජනාධිපති රනිල් වික්‍රමසිංහ මෙම තීරණය ගෙන තිබෙන්නේ ඔහුට සහාය දක්වන පොහොට්ටුවේ මැති ඇමතිවරුන් ඇතුළු පක්ෂ සංවිධාන රැසක ඉල්ලීමක් සලකා බැලීමෙන් අනතුරුවයි.
Be First to Comment